أيها المواطن

كلمات اغنية أيها المواطن اصالة

أيها المواطن السعيد
ياللي فرحان بالحب الجديد
وإللي كان معايا
برضه مبسوط بالحكاية
وأما جيت إحتاجته جنبي كان بعيد

أيها المواطن الشجاع
إللي وقت الجد خان وباع
روح عيش ده كله تاني
خون وبيع وكون أناني
بس آخرة كل ده هتكون ضياع

نحيطكم علماً بأنك مت في نظري
وإن معاك ضاع عمري
وإن حياتي وأنا جنبك كانت معاناة

نحيطكم علماً بانك مش سعيد
وتتدعي الفرحة في حبك من جديد
كبيرها يومين والفرحة دي تقلب مأساة

أيها المواطن الحنون
إللي حبي ليه إتشاف جنون
خسرت عليك رهاني
كنت عملت إيه عشاني
غير وجع قلب وقسوة وتخييب ظنون

نحيطكم علماً بانك مت في نظري
وإن معاك ضاع عمري
وإن حياتي وأنا جنبك كانت معاناة

نحيطكم علماً بانك مش سعيد
وتتدعي الفرحة في حبك من جديد
كبيرها يومين والفرحة دي تقلب مأساة

أيها المواطن العنيد
بالشكل ده هتعيش وتموت وحيد
ياللي في الخيانة ليك مكان وليك مكانه
بكرة تتوجع و بكرة مش بعيد