إيه الأخبار

كلمات اغنية إيه الأخبار انغام

إيه الأخبار مافيش أخبار جديدة عليه
أكيد في بس بيقولولي لسه مافيش
سألت معارفه وصحابه اللي كانوا حواليه
نسيني طب نسيني بإيه
فاكرني طب ليه ما يقوليش

مافيش واحد يبان مرتاح وهو بعيد
غير إنه يكون نسي يا جد في حياته جديد
حرقني الشك فيه وساب ناره فيا تقيد
وبين الشك والتأكيد
بموت والإسم إني بعيش

أنا اللي مضيعة حياتها
بتستنى واحد فاتها
بتسأل أسئلة مش لاقية إجاباتها
ظنوني في إنه راح مني
وأفكاري اللي تاعبيني
لا حد نفاها ولا في حد أثبتها

ما حدش قابله ولا شافه مالوش عناوين
إيه يعني خلاص ما بيكلمش بني آدمين
ما بين خوفي عليه ومنه قتلني الخوف
ولو سبب الغياب معروف
أنا أستنى عشانه سنين

أنا اللي مضيعة حياتها
بتستنى واحد فاتها
بتسأل أسئلة مش لاقية إجاباتها
ظنوني في إنه راح مني
وأفكاري اللي تاعبيني
لا حد نفاها ولا في حد أثبتها