الحرب العالمية

كلمات اغنية الحرب العالمية ابو

بيقولوا النووي هيضرب
ومفيش حد هيبقى سليم
وان الدنيا دي فجأة هتقلب عركة
ما بين امريكا والصين
وان الكوكب اكس هينزل يخبط
فوق راس ناس ماشيين
واننا بكره نتعايش مع حبايبنا الفضائيين

وكمان الفترة الجاية شكلها كده هتكون مؤذية
كل الاخبار بتقول دي بوادر الحرب العالمية
طب ايه رايك يا حبيبتي لو تاخدي قرار وتخليني
ومدام الدنيا دي كدا بايظة اديني فرصة وحبيني

ما تحبيني والنبي حبيني
سيبك من العالم حبك دا مطلع عيني
ما تحبيني والنبي حبيني
بيقولوا الدنيا بتخلص
وبقول ان انتي وحشتيني

يا حبيبتي يا عينيا
في شريحة بتخلي الناس
زي الروبوت بالملي
والموضوع ده بقى حساس
سيبك بس وجاوبيني
فيها ايه لما تحبيني
نعرف بعض نعيش حالة
قبل ما يلغوا الاحساس

حبيني

ما تحبيني والنبي حبيني
سيبك من العالم حبك ده مطلع عيني
ما تحبيني والنبي حبيني
بيقولوا الدنيا بتخلص
وبقول ان انتي وحشتيني

حبي حبي حبيني
ما حبي حبي حبيني
حبي حبي حبيني