باي باي ثانوية

كلمات اغنية باي باي ثانوية محمد رمضان

كنت فاكرها سيجارة عادية
لكن طلعت سيجارة محشية
ولاد الحرام عملوها تاني فيا
وانا عندي بكره امتحان ثانوية
عملوها فيا ضحكوا عليا
ودماغي فجأة لفيت بيا
كان نفسي انجح في الثانوية
امي هتجبلي عربية
لو جيبت 80%
بسيجارة منهم قضوا عليا
خربوها ولاد المؤذية
انا شايف افلام هزلية
حواليا شلة حرامية

انا حواليا شلة حرامية
عيال مش مية مية
انا حواليا شلة حرامية
ولاد مؤذية
انا حواليا شلة حرامية
باي باي ثانوية
انا حواليا شلة حرامية
مفيش عربية

أيوة فاتتني الامتحانات
بالغلط دخلت مدرسة بنات
بنت جميلة بترطم روسي
خدتها اوريها رقم جلوسي
ويارتني ما شوفت الروسية
قبل امتحان الثانوية
طلعت هي كمان مؤذية
متفقة معاهم عليا

انا حواليا شلة حرامية مفيش عربية
انا حواليا شلة حرامية فين رجليا
انا حواليا شلة حرامية دماغي مش فيا
انا حواليا شلة حرامية عطشان ادوني مية
انا حواليا شلة حرامية عيال مش مية مية
انا حواليا شلة حرامية سيجارة فرعونية

عقلي لعبني وقالي نكمل
ضميري تاعبني ومخي منمل
قولت انا هعمل فورمة واحمل
قومت مسكت البار والدمبل
شديت بطني وعليت بينچي
نشفت كتافي ومجانصي
وقفت المحشي بقيت هيلثي
وصحابي هخلعهم مع درسي

انا حواليا شلة حرامية مفيش عربية
انا حواليا شلة حرامية فين رجليا
انا حواليا شلة حرامية دماغي مش فيا
انا حواليا شلة حرامية عطشان ادوني مية
انا حواليا شلة حرامية عيال مش مية مية
انا حواليا شلة حرامية سيجارة فرعونية

توبه خلاص مش هشرب تاني
انا كل صحابي شبه الالماني
هرجع اركز وانجح تاني
انا هبعد عن كل اللي اذاني
بصوا عليا شوفوا النية
شهرين قافل اوضتي عليا
وهجيب الـ 80%
وامي هتجبلي العربية
وخلاص خلصنا الثانوية
وهنخربها في الكلية
وتربن تربن تربنتيه وتربن تربن
هاتها بقي من التلاجة

نجحنا
باي باي ثانوية