خشم الريال

كلمات اغنية خشم الريال علي بن محمد

المشكله اللي حلها خشم الريال
ادعس علا خشم الريال وحلها
مدام دنياك الدنيه للزوال الله
ولاظيم النفوس وذلها

مال بليا عز ماهو راس مال
و صاحبه حاز المراجل كلها
لاتمشي برجلك علا درب الخمال
رجلك علا اللي مايعز ارطلها

لوتعجبك بعض البشر يبن الحلال
القحويانه مايظلل ظلها
ترا البدر لو يكتمل يرجع هلال
ماغير عينك في اكتماله سلها

المشكله اللي حلها خشم الريال
ادعس علا خشم الريال وحلها
ولا السراب يحسبه الظامي زلال
يبطي وكبده تتبعه ماملها
رجال للسلوه وللفزعه رجال
والكايده ماكل احد يشتلها

المشكله اللي حلها خشم الريال
ادعس علا خشم الريال وحلها
والبندق اللي مايعلق لك غزال
بعها علا اول من يسوم وخلها