داير ما يدور

كلمات اغنية داير ما يدور احمد سانتا

بس كبرنا مشاكل أهلنا بقت مشاكلنا
اتسحلنا في الدنيا والزمن غفلنا
فهمت إن الأصول بتفرق مابينا
فهمت إن النشأة بتغير تتربي على إيه وانت صغير
خلاني محكمش واستنى تتغير
خلاني بكره ادعائكم الفضيلة
انتوا مش ملايكة عيشوا العمر ده قصير

عارف كل حاجة فيا مش محتاج أشوفها في حد
عارف كل حاجة صح بترجع فعلاً وقت الجد
لما بغلط عندي مساحة عندي فرصة لسة شاب
والطموح مكانش عالي بس اتولد زي السد
وادينا فيها جايب آخر الكلام وآخري
كون انك عارفاني دة يخليكي تمشي تتفاخري
بلعب بختي من أيام ما كنت في تختي
في المدرسة كنت باكل أي طفل فكر يجي على حقي
ولا جاي في أي لوم
طول الوقت نايم بس وقت النوم ما جالي نوم
مش بعرف أكل لو جعان
عايش حياتي في وقت الصوم
أحب كل حاجة بيرفيكت مش هشربها من غير فوم
عندي أهلي في كوم وكل الدنيا في كفة
وكلكوا بتتلونوا ومفيش لوني هاخد لفة
تيربو أنا رباعي مستنتش منكوا الدفعة
وانت في ضهري عامل راجل بس في وشي ماذا تفعل
مكنتش مركز في نفسي اتكسرت من جوا
كإني عايش حياتي بس للناس
بس دلوقتي كلوا صفر ميسواش
ولا أروح في نفسي كلمة مقولتهاش

داير ما يدور عايش بالطول
أناني بس منساش أصول
وشي يبان عليه البرود
بس من جوا انا محروق
تايه وعلى الله يفوق
والحجة كانت ظروف
نعتب على حضوره غايب
ولا نعتب على اللي سايب
لف ولف ورجع تاني
وللحظة تقول حبايب
داير ما يدور عايش بالطول
أناني بس منساش أصول

ورجعت لنقطة الصفر
كل ده تأثير كل حاجة حصلتلي وأنا طفل
قعدت سنين بعاني حابس نفسي
أتاريني أنا القفل
في الأول كلوا حلو بس متراكم زي التفل
مش فارق بالنسبالي أعيش وأموت
بعد سنة أشوف كل ده تفاهات
ما اللي جاي هو عبارة عن إعادة للي فات
بس الفرق إن مابيننا ومابين الناس دي مسافات
وادينا في نفس اللوب
وادينا في نفس الدايرة
الهم طايل كلوا لا تعايرني ولا أعايرك
افتكر جمدانك
افتكر ملوش جايزة
ولو انت في يوم نجم
بكرة تقع زي النيزك