دربونتنا

كلمات اغنية دربونتنا محمد الفارس

چنت واني طفل يمكم اجي
من چنا صغار
نضحك نلعـب سوة انتي وانا
يم باب الدار
وافرح اسمع خبر امي اجت
يمكـم خطار
واحلم نگضي العمر بالحب سوه
لو صرنا اكبار

دربونتنا الكاچ
أحلم أمشي وياج
ونسمعج أحلى أغنية لكاظم
ها حبيبي ها

وأسمع جارتنا تگول
حبهم مو معقول
عجّل ياربي بزفتهم
حبهم يا محلاه

نوارس دجلة اتطير
شوگي بحبج غير
انتي حبيبة امي وابوية
انتي من اهل الخير

من البصرة لاربيل
غيرتها اه اويل
حبها بگد بغداد واكثر
وگد نجوم الليل

مرة صدفة فتت فجأة شفت
احلى الحلوات
اثاري..انتي الكمر واحلى گمر
بين الجارات
حب ماكو بعد ماريد ابد
اني بدنياي
شفت احلى عشگ واجمل عمر
من انتي وياي

بالكراده يگولون
حبهم مالي الكون
وشايب يحچي بحبنا وصوته
يوصل للمنصور

بشارعنا مكتوب
اسم ويمه اقلوب
احنه صغار وباقي اسمنا
بالحايط محفور

فراشةً حب تحوم
تحچي بحبج دوم
تشبه قلبي الطاير بالحب
لمن اني اشتاگ

يدرون الجيران
بحبج ولهان
تايه حاير ضايع دربي
ويا أجمل انسان