رايح جاي

كلمات اغنية رايح جاي الجوكر

حلوة زيادة إنها تكون حقيقة
sure أميرة جوه فيلم سيما
شمس البدر عارف دينه ليها
عاقلة وكبيرة بس لسه بضفيرة
وهتفضل زي أول مرة أشوفها فيها
مش ناسيها مع إني نساي
قولت دي طفلة دخلوها الجامعة إزاي
ودي الصورة اللي في بالي
مهما عدى العمر بينا
لكن ساعتها ماكونتش أد المسؤلية
وعندي الوهم بتاع الوحدة والإبداع
فاخترت عيشة الحرية
جو متزوج من الفن وبتاع
الحياة رمت صنارة كلت الطعم
افتكرتها فيلم إثارة طلع رعب
كنت فاكر هشبع دنيا لكن جوعت
كإن روحي في بعد وأنا في بعد
وطول ما احنا في البعد

مالقيتش أي
شئ تاني يشجعني أفضله حي
مشيت والدنيا جابتني زي
مايكون المكتوبلي أبقى رايح جاي
أنا رايح جاي

من غير ما أكون قاصد
معاهم كلامي طلاسم
ومعاها جمجمتي شفافة
كل الأفكار اللي في راسي متشافة
وفي المحنة بتبقى قادرة تحلم
و تقولي الدنيا رحلة فك وهي تحلى
عكسي جاضض
حتي لو كله ظابط
أفكر في اللي جاي يقوم الخوف عليا حاطط
متشائم ماشوفتش شوية
أحيانا تقدر وتهون عليا
أحيانا تتكدر وتزود عليا
فا ألم المرادي تمهيدا للجاية
روحي إللي كانت عاشقة براحها
شافتها قامت رايحة
من غير ما أنصحها
كإن الروح بتعرف اللي هيفرحها
قطعة puzzle ما بتركبش غير مطرحها

مالقيتش أي
شئ تاني يشجعني أفضله حي
مشيت والدنيا جابتني زي
مايكون المكتوبلي أبقي رايح جاي
أنا رايح جاي