عكازة

كلمات اغنية عكازة سيف عامر

اعمى وبيده عكازة
الوحيده التعرف اتسنده
ما يگدر يفارگها
عليها ايده معتمده

اذا يتركها يتعثر
ما يمشي ولا خطوه
وهي اتحبه متعوفه
بقت بالمره والحلوه

وفجأه وفتح اعيونه
وشاف الدنيا ضحكتله
ممصدگ ابد نفسه
وهي اهوايه فرحتله

بس المشكلة الاكبر
صارت شغله فد تقهر
كسرها بأيده والصدمه
شمرها وما بقت عنده

هاي القصه تشبهني
ذكرتني بتفاصيلي
من جنت اني اتعبلك
وانت تهدم ابحيلي

نسيت افضالـي وايامي
ونكرت اشواگي بسهوله
الطيب جرحك بأيده
هيج اتخذله معقوله

خنتني وضيعت روحك
وخسرت اطيب گلب حبك
حرامات اني لو ادري
ما ادخل ابد گلبك

ويلا عادي متعود
انت انسان گلبه اسود
ما تعرف شنو الطيبه
ولا گلبك وفه عنده

اعمى وبيده عكازة
الوحيده التعرف اتسنده
ما يگدر يفارگها
عليها ايده معتمده