فديتك

كلمات اغنية فديتك فهد بن فصلا

عفا الله عن ملذات الهوى والعشق والتخمين
وسجات الغرام ولذة الحب الحقيقية

فديتك يوم تاخذني على كيفك ولا ادري وين
معك من وين ما ذعذع هواك ومالت الفية

أحبك وين ماسجت عيوني في الزمان الزين
وسججني الزمان إلي متاهاته خياليه

رعى الله كل يوم(ن) مرنا ماقبل ذك الحين
على زمة صبا الايام والاحلام وردية

يوم إنك تستحي لاتذكر إن عمرك وصل عشرين
وأنا ماطاب لي إلا ماورى العشرين بشوية

ياحلو أحلامنا ومراهقتنا والبلا بعدين
كشفنا ضحكت أول حلمنا ودموع تاليه

وبعد مافاتنا ركب الحياة وشفت شوف العين
مسارات الطريق والإتجاهات المصيرية

عرفت إن كل شي(ن) له نهاية والنيا والبين
مصير الشاعر إلي خانت أوزانة قوافية

خلاص أعزم على الفرقا ولالك في رقبتي دين
ترى حنا تعدينا الخطوط الإستوائية

تفاهمنا على حسم الأمور و كلنا راضين
وتوادعنا ماكن قلوبنا خضر وهواوية

ومع هذا عجزت أسج وأنسى وأترك المقفين
أغصب القلب لكن الغلا قدرة الإهية

أعن لكل مافي نجد حتى شارع الستين
وأحن ان ذعذع الغربي على أهل الشرق عصرية

ولا منه سرى من كل ليل(ن) حروة الثلثين
عرفت إن نسبة النسيان دون ثنين في المية