فهمان دنيا

كلمات اغنية فهمان دنيا مروان موسى

مش عارف ليه الليالي دي بالذات
بفتكر ماضي عليه 100علامة إستفهام

غش غل كذب كراهية كل شئ متاح
في دنيا فيها الصادق قيمته أقل من الكذاب

مالقيش فايدة أرمي ودني لكلام الناس
شافوني غلط برضو أنا كملت وبإعجاز

يمين شمال طريقي منين تايه كنت محتاس
قررت أمشيها صح الصح وعكس عكاس

حاول تفتكر

الصورة مقسومة نصين بالظبط
فحاولت أوزنها مشيت ع الخط خلاص فرهدت

جوابي إتبعت سؤالي إتسأل ماشوفتش رد
لحظة عليها أسمنت إتصب
أنا فهمان دنيا أزاي إتخض

رؤيتي للورقة غير التقليدي دا رأي الزملا
سيبت النَص بنيت شخصيتي

ماسيبتش مصر أنا لسه ف بيتي
ماعيشتش fake وماعيشتش زيف

أنا من الأرياف أنا راجل البيت
و العيش والملح يا أخويا ما نسيت

موجة الدَبرسة جاتلي
زي ف أيام المدرسة

حضني إتعزل قلبي إتوفى ماروحتش عزا
صباح ومسا تركت الحب وأخدت الأذى

كله اتحذف بوظت علاقتي بكل الناس
مع كل الاسَف

فسألت إزاي كأني نساي
لو هشكي الحال هبدأ بودكاست وهكون رغاي

و هودي حزايني وأخليك تبكي أنا زي الناي
لسه ماحسنتش حالي

بيقول لك قوم يا موس
فيه موسم جاي

موسم ايه
بقالي شهور محجوز في البيت

مخنوق من الحيط وحال الدماغ مربوط من خيط
وشي الفرفوش بقى غير مألوف وبيقول مليت

مسحول فالصورة الصورة
الصورة دي طول الليل

ليه مفيش منك مش لاقي
في الواقع الإستبدادي

إزاي تاه مني النص التاني
نصي الألماني

اتقطعت صِلتي
القافلة تسير

هل فعلاً دي قافلتي
أنا شكلي محتاج therapy

بسأل نفسي سؤال وبرد كإني اتنين
بعدين نتشاكل وبنتشاكل طب بعدين

حاولت أحل بين الطرفين
هو أنا بتألم ولا بتجنِن
في دماغي صوت صرخة قاعدة بتدندِن

حللت الماضي قولت إيه اللي جرالي
ليه بقيت زومبي برؤية رمادي

واخد الدنيا براسي
أي إحساس يظهر أقوم طافي
طب مالك المرة دي

وغلاوتك عندي أنا من بعدك ما عرفت أمشيها طوالي
وصورتنا لسه ف بالي حضناني

بيبقى صعب أوي إنك تتقبل فكرة ان مفيش إجابة
أول ما تبدأ تقبل الواقع بتوصل لأصعب مرحلة من الخمسة
وهي مرحلة الاكتئاب
فتحس إن مفيش حاجة ليها معنى