ليه كده

كلمات اغنية ليه كده شاهين

مش شايف م الضباب
هل في مستقبل ولا انا ماشي ورا السراب
اعتبرني لعيب كورة واتصاب
يا عالم هيخف امتى يا صاحبي انا مش عراف
سارح في الملكوت
بحاول اجيب القوت
مستني ملك الموت
او ربك يفرجها و القيامة تقوم
مبقتش قادر ع الصمود
إرجع يا زمن و انا اخلف كل الوعود
كان زماني لسة موجود
تقريبا كنت مخبوط
و فضلت متبت في الكبوت

ليه كده مفيش ثقة
مناهدة كتير أكني مليش صفة
ولا كأنك لميتيني م الارصفة
ليه كده ليه كده

اكسر و ادبدب و ألعن و أسب
اعصابي دايما فلتة عشان متشتت
مبتفترضش حسن النية لازم اثبت
كنت سخن بقيت ساكت طول الوقت انا بردت

و انا ايه اللي في ايدي
بقيت صندوق شكاوي و انتي مليتيني
بقيت حاسك مش بتحبيني
يمكن عشان كدة مفيش حاجة بترضيكي

بقالي كتير كاتم المي
روحي طلعت م الاغاني حايش عنك قلمي
بقيتي حملي مش سندي
راعيت شعورك و كان المفروض تتفلقي

مفيش كونكشن مابينا فصلتيه
عايزة الاتنشين حاولي تكسبيه
صبرت عليكي بس بيبي ده كتير
بيبي ده كتير بيبي ده كتيير
انا حقيقي انا مش شايف نفسي
متبصليش علي اني راجل مُسَّلي
انا المريض مش الدكتور النفسي
و الاغاني دي بعالج بيها نفسي

كفاية عطلة
مفيش بطل منغير بطلة
هنا الحياه و احنا مرتزقة
خليكي في ضهري متبقيش ادامي عقبة

كفاية عطلة
هنا الواقع مفيش بطل منغير بطلة
هنا الحياة و احنا فيها مرتزقة
خليكي في ضهري متبقيش ادامي عقبة