ماتدمعيش

كلمات اغنية ماتدمعيش ريشا كوستا و سماره ناو

مبقتش احب ابان ولا عايز حد يشوفني
من كتر الاكتئاب شكلي بقى مخوفني
عجزت وشعري شاب انا مين انا مش عارفني
الشخص اللي اتعودتوا عليه دايما بيهزر
بقى ساكت طول الوقت قاعد كئيب ومكشر
انا فيا هموم بالكوم انا من جوايا متدمر

ماتدمعيش قدامهم ياعيني
ومتحرجنيش وبلاش قدامهم تكسفيني
علشان مفيش حد فيهم هيواسيني
انا عيشت عمري بفرح ناس غاوية تبكيني
خبيت كتير ياناس ونسيت احكي مالي
بسمع للغير ويعني مين كان همه حالي
انا نفسي حد يرد على اجابة لسؤالي
ليه كل حاجة بحبها دي مش ديمالي

يارتني كنت بجد انا مريض زهايمر
مكنتش اسهر كل ليلة فيكي افكر
نسياني ولسه واقف مكاني عليكي ادور

كرهت الليل عشان بقى يفكرني بيكي
و بنام عشان مسهرش افضل بفكر فيكي
بهرب منك في نومي ببص في حلمي الاقيكي

جوايا كلام مش هيحسو غيري
علشان كده مش بحكي وبفضل كافي خيري
انا اقرب حد ليا انا صاحبي وزميلي
دايما مع نفسي افضفض ولما ازعل بواسيني
انا مش كئيب والله ولا حابب دموعي
بس الايام ادتني درس كسر ضلوعي
من صغري شايل شيلتي ومسؤل عن موضوعي
ولا حد عمري دا شالني كان نفسه في وقوعي

ضيعت عمري كله بحب في ناس اذتني
طيبتي الزيادة هي دي اللي دمرتني
اول ماضاقت بيا كل الناس باعتني سابتني
مكنش ده العشم بجد الله يسامحكو
دمرتوا اطيب واكتر قلب كان صافيلكوا
انا عمري ماتخيلت انها تيجي منكوا

العمر راح وانا واقف مكاني
انا ببكي ع اللي فاتني ولا ع اللي باقي
ايامي ملهاش ملامح ولا حباني
انا حاضر غايب شكل الدنيا بقت نسياني
وقت الوجع ببقى واقف بطولي
بسند على حبة حيطان مايلة بيخذلوني
عندك ايه تاني يادنيا لسه شاليهولي
دائما بتوريني حقيقة ناس غاوية يخونوني