مركب أوجاع

كلمات اغنية مركب أوجاع عصام صاصا و كيمو الديب

كنت في بالي
ولا مرة وأنا بعيد عنك شيلتك من بالي
وأنا نفسي أحكيلك أخويا بعدك إيه جرالي
بعدنا عن بعض ده هو الموت بالنسبالي

مش عايز أفتكر الماضي لإن الماضي كئيب
أحداثه سودة منيلة مافيهوش وقت وترتيب
إللي مصبرني شوية إن الحزن نصيب

بس أنا نصيبي ماخدتش منه غير الأحزان
ماخدتش من دنيتي غير ذل وغير حرمان
وعيوني بتلمع ودموعي بتنزل فيضان

مركب أوجاع
والبحر غريق والمركب مافيهوش حتى شراع
مستني اللحظة إللي هموت فيها وأنزل في القاع
مليون دوامة هنغرق في جميع الأوضاع

والرؤية ظلام
مش رؤية عيني دي رؤيتي لحياتي والأيام
أنا قصة عمري دراما أكتر من الأفلام
وأخرها لا يمكن أفرح أنا فرحة همام

مدمن أنواع وبخلط كله في كله وأشد
أنا عارف إن الخط نهايتي يا ناس بتشد
بس أنا شايف قدامي بيبان ياما بتتسد

فحبست مشاعري رابطها خلاص مابقتش بحس
دمعة عيني بسكتها بتنزل أقول لها بس
لما أنا بحتاج أتكلم أروح لمرايتي وأبص

أو أروح للكيف
إللي مخليني محسش إن أنا حد ضعيف
وبقت مش فارقه معانا أنا وحش ولا نظيف
بيدفي الجسم وبلبس شتوي في عز الصيف

وهو الإدمان
أنا عارف إنه طريق بالشر يا ناس مليان
طب ما أنا كنت فايق لكن دايما أنا زعلان
فلقيت حاجة أهرب بيها من الهم ومن الأحزان

بتقولي عليا حنين متأكدة من حبي
وماحدش غيرك أصلا سبب وجع قلبي
والله ماكنتش عايز حاجة أنا عايزك جنبي

بس أنا غلطان علشان بينت إن أنا مهتم
فبقيت بديكي الحب قصاده تديني السم
أنا فيه ناس ياما حبتني وأنا إللي إخترت الهم

وحاولت كتير إني أغيرك لكن مانفعش التغيير
ما هو برضه أزاي أنا أبدل شر وأخليه خير
مش شايفة إنك غلطانة وشايفة إن أنا شرير

وماحبتنيش
وشوفتيني ضعيف مش قادر بعد فراقك أعيش
ترجعي وقت ما ترجعي وتسيبي وماتقوليليش
وجع القلب ده مش سهل وإنتي مابتحسيش

كنت ما بهداش
والله حياتي من غيرك أصلا ولا تتعاش
وإنت ياعم الدنيا في غيبتك دنيا ما تسواش
إنت أجدع أخ عرفته في زمن إسمه الأوباش