نشاز

كلمات اغنية نشاز ماريلين نعمان

حاسّي حالي عم بِجتاز
العالم معك عم بِنحاز
لشي نجمة شفتها بحِلْمي
فيها الفنّ بالكرسي فاز
شلّي المعنى من المجاز
فَتَل راسي من الألغاز
من كوكب نظامو رَوْكب
(من عبودية الجواز)
من نظرة شأِفت جواز

كلّما غنّي عم إدّندل
كلّما إرقُص عم إتفَلّل
كلّما حبّك عم إتبَهْدَل
تاري الحبّ بطّل إنجاز
بس بذكر إنّك قلتلّي
إنسي العالم إنسي تفَلّي
من كلّ قلبِك غنّي وعلّي
بَرْكي نغطي عالِنّشاز

و بدوخ و بدوخ

يا برضى يقولو جريئة
يا بساوي البنت البريئة
باعتبار إنّو الحقيقة
طِلعت بالكذب بتمتاز

و لو إنّو الموضوع مفلّسف
و عالرّفّ مزتوت مستّف
فكرن اقاعد و إتكتّف
بركي يطرِبني النّشاز

كلّما غنّي عم إدّندل
كلّما إرقُص عم إتفَلّل
كلّما حبّك عم إتبَهْدَل
تاري الحبّ بطّل إنجاز
بس بذكر إنّك قلتلّي
إنسي العالم إنسي تفَلّي
من كلّ قلبِك غنّي وعلّي
بَرْكي نغطي عالِنّشاز

حاسّي حالي عم بِجتاز العالم معك