وضع الطيران

كلمات اغنية وضع الطيران مصطفى حجاج

أنا في وضع الطيران
يا صحاب مش جدعان
أنا مهنج عطلان
إعتبروني خارج الخدمة
أنا كدا في الروقان
في غيابكوا أنا كسبان
يا وشوش مش بتبان
غير لما يكون ليكوا خدمة

هختفي خالص
كدا أريحلي وأحسن ليا
وأنا مش ناقص
ناس كدابة ومصلحجية

وكر أفاعي
صُحبة أذتني وقطعوا فيا
عضوا دراعي
إللي ناولهم أكل ومياه

أنا بتنازل
عن ناس ضمايرها معبية
وآدي تنازل
ممضي ي دنيا بخط إيديا

عِشت بعاني
مفيش ولا واحد سمي عليا
قول يا لساني
وإفضحلي ولاد المؤذية

شوفت ندالة
محتاجة ست محاسبين ليا

ده أنا لو آلة
هفصل من كتر الكمية

ناس بالغالي
كنت شاريها إستهتروا بيا

هبقى في حالي
وفي داهية جمايلي المرمية

أنا هتعامل
بضمير تاني الفترة الجاية

ده إللي إتعامل
بالأصل دا فكرني هفية

خلق بيوتها
ده من طوب خيري كانت مبنية

وأما ناديتها
وأنا في الشدة سابوني وحديا