كلمات أغنية "وإفتكر" - حمزة نمرة
نبذة عن الأغنية
الأغنية هي رحلة تذكير ذاتي واستدعاء للذاكرة كوسيلة للثبات والاستمرار في مواجهة الصعاب.
المطرب (حمزة نمرة) يخاطب نفسه أو المستمع بلغة نصيحة داخلية تحثه على عدم النسيان نسيان الألم، والجراح، لكن ليس من باب الاستسلام، بل لاستحضار القوة الكامنة التي صنعها ذلك الألم.
المزيد
كلمات أغنية "وإفتكر" - حمزة نمرة
وإفتكر ليه إبتديت
ليه جريت وليه عانيت
ليه مشيت من بيت لبيت
شايل الحلم ف خيالك
وإفتكر حجم الخسارة
والإشارة والأمارة
إفتكر رمي الحجارة
واللي نجاك م المهالك
وإفتكر طعم المرار
والوجع والانكسار
وإنحرافك ع المسار
وإن قلبك لسه سالك
وإفتكر طول الطريق
وإن ليك طول في الغريق
وإن نورك ليه بريق
والدليل إللي إترمي لك
وإفتكر مين كان معاك
وإللي في السكة رماك
إللي جرحك واشتكاك
وإللي لما إحتجته جري جالك
وإفتكر زوغان عينيك
وأما بكيوا عنيك عليك
وإنت لسه القوة فيك
وإنت ربك وحده شالك
وإفتكر إنك مكسر
لكن إنت مش مقصر
تشتكي وربك ييسر
فاله يغلب برضه فالك
وإفتكر جرحك معلم
وإن قلبك مش مسلم
ماشي في الأحلام تلملم
بس مش واقف مكانك
وإفتكر علشان تكّمل
أي آخر كان له أول
والطريق مهما يطول
جي وقتك جي أوانك
وإفتكر لو كنت ناسي
ياما عدت بيك مآسي
وإنت في الملعب أساسي
عمر نَفَسك يوم ما خانك
هل تفضل نوعية هذه الأغنية؟
الأغاني المشابهة التي قد تعجبك:
- كلمات أغنية "المصري قدها" - حمزة نمرة
- كلمات أغنية "تعمل ليه كده" - فريد
- كلمات أغنية "هل ستراني صديق" - عصام صاصا
نبذة عن الأغنية
الأغنية هي رحلة تذكير ذاتي واستدعاء للذاكرة كوسيلة للثبات والاستمرار في مواجهة الصعاب.
المطرب (حمزة نمرة) يخاطب نفسه أو المستمع بلغة نصيحة داخلية تحثه على عدم النسيان نسيان الألم، والجراح، لكن ليس من باب الاستسلام، بل لاستحضار القوة الكامنة التي صنعها ذلك الألم.