إمبارح

كلمات اغنية إمبارح يزن السعيد

إمبارح جيه في بالي حبايب
كانو هما الدنيا وراحوا بعيد

مش عارف عنهم أي جديد
و سابوني لوحدي بكام ذكرى
وجواب كاتبينه بخط الايد

‏إمبارح جيه ف بالي حبايب
مش فاضل منهم غير صورة
وهدية قديمة ومكسورة

‏وسألت في نفسي إزاي مشيو
وكأني بحل في فزورة

‏‏ إمبارح جيه في بالي حبايب
‏خذوا من قلبي وعمري سنين
‏موتو قلبي لكن عايشين
‏ ناس يمكن دلوقتي تشوفني
‏يمشوا يعملوا مش شايفين

‏ إمبارح جيه في بالي حبايب
‏متخيلتش يوم ينسوني
‏ياما غطاهم رمش عيوني
‏كنت بخاف من النسمة عليهم
‏في الآخر راحو وفرقوني

إمبارح جيه في بالي حبايب
ودعوا قلبي و قالو نصيب
فجأه بقيت أنا حد غريب
ناس حلفت بغلاوتي زمان
مهما هيحصل مش هتغيب

إمبارح جيه ف بالي حبايب
مشيو و راحو مع الأيام
كل وعودهم ليا كلام
قلبي الي استحمل علشانهم
فارقوه من غير حتى سلام