إيه يا قلبي

كلمات اغنية إيه يا قلبي محمد رمضان

معاكي ببقى بيبي
بس معاهم ببقى عمو
مع كل الناس محمد
ومعاكي إنتي ببقى حمو

وبقيتي تهمي قلبي إللي مكنش حد هامه
بحل أي حوار بس إنتي حوار معرفش حله

إيه يا قلبي إستني بس رايحة فين
تعالي جنبي خليني أقول الكلمتين

إيه يا قلبي قسملي قلبي حتتين

آه يا قلبي آه يا قلبي آه يا قلبي
أنا شكلي وقعت ولا إيه

آه يا قلبي أهو ده إللي مش هقدر عليه

آه يا قلبي مش شايف حد غيرها ليه
آه يا قلبي عاملالي سحر ولا إيه

مع كامل إحترامي عايز موعد غرامي
أنا لو سرقت قلبك عادي مش هطلع حرامي

مع كامل إحترامي أنا إتغير نظامي
ولو بعدتي عني هنصور مشهد درامي

آه يا قلبي مش شايف حد غيرها ليه
آه يا قلبي عاملالي سحر ولا إيه

معاكي ببقى إنس بس معاهم ببقى جني
كبير على الكبير لكن معاكي بنسى سني

يدوقوا المر هما وإنتي تاخدي الحلو مني
هتيجي ولا لأ عشان في ناس مستنييني