اتنين اخصام
كلمات اغنية اتنين اخصام محمد سلطان
تعادي الاصيل او تصاحبه
اجدع من انك تماشي عويل وتكون صاحبه
ياما ناس كتير ف حياتنا خسارة يتصاحبو
ف المصلحة معاك وفي شدتك انسحبو
اللي بيطمر فيهم
بقى صعب تلاقيهم
خلق بجحة و فإيدها سبحة
والكدب معمول ليهم
عود نفسك تنسى عشان
العشمان فالناس ندمان
مهما تخلص فحيط هتلبس
ومهما هتحب هتتخان
عود نفسك تعيش لنفسك
ومتحاولش تشوف غلاوتك
عند حد من حبايبك
عشان هتزعل
حرص مرة من عدوك
والف مرة من اللي منك
عشان الضربة من القريب
بتبقى فمقتل
انا عندي اتنين اخصام
الغدر والحرام
ربنا يبعدهم عني ويبعدهم
عنكو انتو كمان
انا ليا اتنين اعداء
الغش والنفاق
هفضل على وضعي الجدعنة طبعي
وسالك وابن حلال
اعرف ناس بالخير تدعيلي
بس بتزعل لما يجيلي
شيوخ ف كلامهم وفي افعالهم
افعال حد إسرائيلي
انا مبقولش ان انا مثالي
بس يكفي ان انا ف حالي
عمري ما حسدت رزق جيه لحد
مش شاغلها بحد انا مالي
خدلك لفة وجرب غيري
وانت ساعتها تحس بخيري
وعد مني انك هتجيلي
وتترجاني
ربك عشان النية مبارك
لاجل ان انا من جوايا سالك
واللي عاشرني روح اسألو عني
وهو هيشهدلك علي ذلك
انا عندي اتنين اخصام
الغدر والحرام
ربنا يبعدهم عني ويبعدهم
عنكو انتو كمان
انا ليا اتنين اعداء
الغش والنفاق
هفضل على وضعي الجدعنة طبعي
وسالك وابن حلال