ارتحتي

كلمات اغنية ارتحتي ريشا كوستا و سماره ناو

ارتحتي وبعدتي
اختارتي راحتك ونسيتي انك كنتي راحتي
كنتي روحي وانتي جنبي
روحي راحت ياروحي من يوم مارحتي

كل حاجة عدت
سابت حاجة مابتعديش
سايبة ليه حاجات جوايا
مابتتنسيش

كنت ليكي بيت ووطن
وكنت ليكي جيش
ارجعي هو انتي ليه مابترجعيش

ولسه
ريحتك في الشوارع
لسه صورتك في البيوت
منغيرك بضيع حرفياً بموت
بقيت زي تمثال شمع وملازمة السكوت

بروح هناك استناكي وبردو مابتجيش
بوهم في نفسي انك قدامي الواقع مارحمنيش
بتعالج من ادمانك ورجوعك تعافي
بحبك بكل لغات العالم نفسي يبقى كافي

يا نصيب جمعنا تاني
مش عايز غيرها هي
هعملك كل اللي انت عايزو
وسيبها جنبيا

انا حزين يا حب
ومكفيني اللي فيا
هو انت ليه مصمم
تاخد الحلو في ايديا

يا ليلي انا وحيد والذكريات بتوجع
حبيبي ليه بعيد نفسي تاني نرجع
عايش ومش سعيد نفسي لصوتو اسمع
يارب كل اللي انا فيه ابقي نايم وبحلم

يا ترا مخبيالي ايه يا دنيا بس تاني
جيبالي حلو من اللي جاي ولا في مر تاني
وحشني نفسي زمان ونفسي اشوفني ولو ثواني
ابوس اديكي مش مستحمل من مفاجأتك

كسور كتير لحمتها
جروح كتير رقعتها
اشلاء جوا مني حتة حتة جمعتها
احترت في فهمها
ملقتش حل للغزها
اصوات بتوجع جوا مني كتير كتمتها

ارتحتي وبعدتي
اختارتي راحتك ونسيتي انك كنتي راحتي
كنتي روحي وانتي جنبي
روحي راحت يا روحي من يوم مارحتي