الدرب الطويل

كلمات اغنية الدرب الطويل نادر الشراري

الهوى الي كنت اضنه لي مقيل
عن هجير الوقت والدنيا سعه

ليتني مريت به عابر سبيل
ولا سرابً قلبي الضامي تْبعه

ما حسبت حساب للدرب الطويل
والمفارق والليال الموجعه

صار ضيقي بين حط وبين شيل
والفجوج الواسعه ما تاسعه

وكل مالذكرى تجيني بالقليل
بين شعر اقراه ولا أسمعه

كن عيني غيمة وصدري مسيل
للخفوق اللي جروحه مرتعه

مادريت ان الوصل ماله بديل
والفراق لدربنا يا مسرعه

علموني ان كان للهايم دليل
من يحب انسان ليه يودعه

كيف يصبر خل عن فرقا خليل
والغلا له صافياً من منبعه

واللي أدعت خاطري السالي عليل
ومودعة حرفي يذرّف مدمعه

من جفاها (هذا انا) سهّار ليل
وباب صدري للهموم مشرّعه

علموها قبل ياخذها الرحيل
قلبي اللي في يديها ترجعه