الشيلة كاملة

كلمات اغنية الشيلة كاملة عمر كمال

لو بتحلم ب إللي في أيدي
شوف حياتي بصورة شاملة
بدل الأدوار يا سيدي
بس شيل الشيلة كاملة

خد علاجي معاك ومرضي
نام معيط وإنت مرضي
قول حياتك لونها وردي
وإنت حالك ياما مال

خد كمان في إيديك عذابي
لسه في أسماء صحابي
اللي كانو يدقو بابي
بس قاطعين السؤال

لو بتحلم ب إللي في أيدي
شوف حياتي بصورة شاملة
بدل الأدوار يا سيدي
بس شيل الشيلة كاملة

ولا أقولك خد كفاحي
والفشل أضعف نجاحي
عيش بتحلم وإنت صاحي
تحت تأثير الحنين

خد صداعي وكل خوفي
شوف حياتي وعيش ظروفي
دا القلق والخوف ضيوفي
جوه قلبي معمرين

لو بتحلم ب إللي في أيدي
شوف حياتي بصورة شاملة
بدل الأدوار يا سيدي
بس شيل الشيلة كاملة

لما بتشوفني بعينيك
يبقى ظاهر فرحي ليك
بأبتسامة ولبس شيك
بس من جوايا ضلمة

تبقى راسى على المخدة
والهموم على قلبي شدة
حيلها ياما بقالها مدة
والحياة ويايا ظلمة

لو بتحلم ب إللي في أيدي
شوف حياتي بصورة شاملة
بدل الأدوار يا سيدي
بس شيل الشيلة كاملة