انا نفسي ارتاح

كلمات اغنية انا نفسي ارتاح نورا

النهاردة ابو قلب طيب
تعصره ينزل اهات
واما يشكي من همومه
يحسبوه ضمن العاهات
وانا كل يوم بشوف قصص
وبعيش وبسمع في حكايات

وانا حملي تقيل مع ذلك برضه
انا لسه بقول الصبر جميل
والحمل ان كان مال بيا انا برضه أصيل
هتحمل حتى لو الشدة اتقلبت مواويل

حظي انا معكوس انا احلى ما فيا
يطوله اليأس ويضرب بوز
انا حيلتي يدوب عزة نفسي وعاملة بروز
والدنيا بقت جايه عليا كان انا منبوذ

انا نفسي ارتاح والهم يسبني ويبعد عني بقى وينزاح
ولا حضن حنيين حسيته الا فاتني وراح
حتى الايام اللي بعيشها مفيهاش أفراح

ابعد لمكان معرفش ابتدي من فين تايه
ومليش عنوان
انا صورة بألوانها الباهتة في برواز احزان
انا زي ماكون واحد ملبوس
ومخاوي كذا جان

انا ياما قاسيت
وقابلت كتير في حياتي جروج
لكن عديت
وشربت المر بشكل يضر اما اتذيلت
انا عايش تعبان فالدنيا من وقت ما جيت

حلمي اني ابان والدنيا تحن شوية
بقى ويبقالي مكان
وبقول ميهمش كله هيجي لكن بأوان
والفرح اما عرفت طريقه قفل الدكان