بسيط

كلمات اغنية بسيط احمد سعد

مش مليونير ولا عندي فيه دفتر شيكات
ولا بيت كبير مليان تحف على أنتيكات
ولا تابلوهات متعلقين فوق الحيطان
ولا فيه ساعات ماركات ولا هدوم سينيهات
انسان بسيط جدا كمان لما تشوفيه
ممكن مايلفتش انتباهك حاجة فيه
ممكن يجوز بالوقت لما هتعرفيه
تلاقيه مكان ملوش ذكريات

بسيط انسان بسيط
ده ولا في ايديه ولا حيلته غير كلمة ياريت
فكان عشمان كمان
يلقاله فيكي وبيكي عيلة وناس وبيت

ماوعدتكيش سنة عن سنة نغير موديل
ولا في الأجازة نسيب أوتيل ونروح أوتيل
ولا كل ليل نسهر هنا وهناك عشان
مقدرش ابان فارس وأنا مش لاقي خيل

أنا حد من شيل الهموم بيبان عجوز
ولا لي معارف أو في يوم كان له نفوذ
ف أنا لو خسرتك عادي ما أنا بخسر كتير
وإن فزت بيكى هتبقى أول مرة أفوز

بسيط انسان بسيط
ده ولا في ايديه ولا حيلته غير كلمة ياريت
فكان عشمان كمان
يلقاله فيكي وبيكي عيلة وناس وبيت