كلمات أغنية روحي فدا له

كلمات اغنية روحي فدا له عبدالله ال فروان

مترف و زايد جماله
يا حلاه و يا دلاله
صاب قلبي منه نظرة
يا عسى روحي فدا له

كلّ ما شفت ابتسامه
زاد في قلبي غرامه
هو ضيا ليلي و بدره
وآتأمل في كلامه

لو حكى و الصوت هادي
صوت ما هو صوت عادي
ينعش إحساسي بنبره
سارقٍ مني فؤادي

في لقاه البال رايق
كنّ ساعاته دقايق
مبعد همّي بكبره
وابتسم لو كنت ضايق

قربه و شوفه غناتي
بُعده الحزن و شتاتي
فيني اليا غاب عبره
مرّه تْنكّد حياتي

مقدر آزعّل كيانه
همّي رْضاه و أمانه
وان زعَل او ضاق صدره
ازعل الدنيا عشانه

شوق قلبي ماهدا به
كيف لو طوّل غيابه
حالتي لا غاب خطره
واحد و ماله مشابه

عشقنا دام بْوفانا
نترك الحاقد ورانا
ينقهر و يْموت حسره
ما يأثر في غلانا

راسم فالقلب رسمه
حظّ قلبي له و قسمه
ما بقى فالدم قطره
تجري الا له و لـ اسمه