سامحيني سامحيني

كلمات اغنية سامحيني سامحيني محمد بن غرمان

‏سامحيني سامحيني لدّني عنك لزوم
‏ولاقضيت اللازم اللي لدّني بازهم عليك

‏احتريني بالمجي في ظرف يوم او شبه يوم
‏بنهب الخطوه واميّل عن متاهات السكيك

‏صحبتي ويا البطى من غير لازم ماتدوم
‏واجملي ماله عوايد عند حيضانه بريك

‏ذا وملزوم الوداد الي زوى عنه السموم
‏تاجه الغالي انا ويّاك في لبسه شريك

‏ان تعلينا سكنّا فوق هامات الغيوم
‏وان تمشينا ف حنا بالرياض الخضر ذيك

‏بين وردٍ يانعاتٍ تحمل الازهار توم
‏مثل ما انا وانتي في ظل الموده قبل اجيك

‏وادري انك عاد مايخفاك تفنيد العلوم
‏فيك من وسم الذكا والزين كل زين فيك

‏وادري ان الشك طيره في سمانا مايحوم
‏لا وحنا عن سهام اللوم في حصنٍ سميك

‏ياشعاع الشمس يانور القمر بين النجوم
‏يابراد النسمه اللي تحتفي بك بين ايديك

‏يا البهاء يابهجة اللولو بعين الي يسوم
‏ياوحيدة خاطري دايم عيوني تحتريك