شمس حبك

كلمات اغنية شمس حبك محمد بن غرمان

هيه يا للي غرامك رحلتي للجنون
اشعل الشوق قلبي والغرام حطبي

اخذي الخافق اللي بالعهد مايخون
الخيانه ماهي طبعي ولا مذهبي

خلي الرمش ظلك ورقدي بالجفون
ونزلـي يم صدري وبالضلوع ألعبي

نضديهن فداك اللي علي يسألون
وارجعي بعثريهـــن زي ما ترغبي

بس تسلا حياتي خلهم يتعبون
دام هالملك ملكك قرري واشطبي

وانسجي لك قلم من أي ضلعٍ يكون
خلي المحبره دمي ومنها اسكبي

وسجلي ذكرياتك بين ذيك الطعون
أكتـبي لي أحبه أي شي أكتبي

وكان نبضات قلبي يالغلا يزعجون
اسكني صدري الأيمن ولا تذهبي

ولاهدا الجو عندك ياكحيل العيون
غردي مع مشاعرشاعرك واطربي

الله اللي وهبك من الغلا وش يبون
شمس حبك عسى يازين ماتغربي