طواريك

كلمات اغنية طواريك عبدالله ال مخلص

شبيه الغيم والنسناس والبرد
ياريح المسك والريحان والورد
ونفحات ازرق العود المعتّق
ياطبع الجافله ياشارد الشرد

ياراحة بالي وترويق جوي
ياهمّالي وبرّاقي ونوي
فديتك خاف فيني الله واتّق
ليا من غبت عني ويش اسوي

ياليتك شايفٍ رد اعتباري
اهوجس بالفكر مانيب داري
فركة براحة ايديني واصفّق
يمين أيدي على راحت يساري

طواريك وتواصيفك مهابه
وطيفك كل ماغابت رحابه
له الخفّاق لا تاق وتشفّق
بيسري الليل لو ماينسرابه

في عتمة ليلتن ياخذ قمرها
ملامح وجنتيك ومختصرها
مابين الوجنه وطول المعنّق
جديلٍ لا انفهق بيدك سترها

احبك واعشقك واموت واحيا
أنا في غيبتك فاقد لي اشيا
مانيب اضحك ولانيب اتشوّق
ودمعاتي في وسط العين مليا

بترجم لك شعوري بالقصايد
وانقي من فرايدها فرايد
تحانت بين ايدينك واتعلّق
على منتوقك الباهي قلايد

لاعاد اتقول صح الله لساني
تراك اكبر من بيوت المعاني
تواضعك لقلايدها يدنّق
وتفخر بك على مر الزماني