عالي الهامة

كلمات اغنية عالي الهامة عبدالعزيز مانع

عالي الهامة أنا بالغيم أضعف قوتي
ما ارتجى طلّاب شي فيني الا و اعتلى
ما ارتكب ذلّ الخضوع لغير خالق عزتي
لا تِخيل ان الحياه يا أنت او غيرك فلا

يا محتري كبوة جوادي و يا مدوّر زلتي
تعال و اطلبني خطا و بك هلا و مية هلا
شف عذاريبي وخذ جوفي و اكشف نيتي
لا حشا ماني من اللي يرد يوم سؤّلا

راضي بكلي و أدري وش دواي و علتي
ما يهم اكون صح في عين شخص من الملا
دامني مرضي غروري و ما لأحد في ذمتي
حق ما يشغلني راي ولا كثير الأسئلة

يا مقتفي بين السطور حرف يعكر صفوتي
خذه وما فوق السطر واللي ناقص كمله
من بغا يلقى لي عذر والله يدمح هفوتي
واللي ما يبغى له الله يشرب اللي بلله