عدد المناديل

كلمات اغنية عدد المناديل مهى فتوني

وحياة القلب اللي اتكسر
وفي حبك شاف الويل
وحياة العين اللي بتسهر
علشانك طول الليل

وحياة الحب اللي رميته
والبكا ده اللي لوحدي بكيته
أنا مش هنسى
شاهدة ليالي البعد
و عدد المناديل في بكاه

أنا صاحبة جرح مابيخفش
والوجع اللي يزيد مايقلش
أنا واحدة بقيت جواها حاجات
مهما بيحصل مابتتحلش

أنا حد على إيديك اتعقد
فقد الثقة في الناس واتعود
يبقى لوحده ولو ضاقت بيه
يسهر كده مع نفسه يعيط

وحياة القلب اللي اتكسر
وفي حبك شاف الويل

أنا قلبي في حبك جاب آخره
كان بيطلع في الروح
والصبر معاك بقى في أواخره
ومعنديش طاقة ولا روح

مش ناسية جراحك وعذابها
والله فاكراها بمواعيدها
أصلي مابنساش
أيام كانت صعبة
ما ينفعش في يوم تتعاش

أنا صاحبة جرح مابيخفش
والوجع اللي يزيد مايقلش
أنا واحدة بقيت جواها حاجات
مهما بيحصل ما بتتحلش

أنا حد على إيديك اتعقد
فقد الثقة في الناس واتعود
يبقى لوحده ولو ضاقت بيه
يسهر كده مع نفسه يعيّط

وحياة القلب اللي اتكسّر
وفي حبك شاف الويل