على شروطك

كلمات اغنية على شروطك برهان

جرحك بيزيد وانت مصمم
متبانش جراحك من صوتك
ساكت مش عايز تتكلم
والكل بيهرب ويفوتك
جرحك جواك قاسي معلم
وبتداري جراحك بسكوتك

وزرعت ف قلب الكل الورد
موتوا حلمك قطفوا ورودك
نورت طريقهم وكان الرد
إحباط وظلام تام بيسودك
حضنك كان دافي ف عز البرد
وبردت سابوك تشكي برودك

ووعدت وفيت على قد الوعد
وعدوك يفضلوا نقضوا وعودك
وصلبت عيدانهم وقت الجد
ميلت وسابوك محني بعودك
ورغم ده كلو قومت وكملت
ومشيت ف الدنيا دي على شروطك