قبلت التحدي

كلمات اغنية قبلت التحدي رامي جمال و حمزة نمرة

لسه في الأيام بقية
لسه في الأحلام كمالة
إني أخسر مش قضية
بس أسلم إستحالة

الحياة رايحة وجاية
يعني مش مستقصداني
حتى لو هزعل شوية
بكرة تضحك ليا تاني

كل حاجة ضايعة راجعة
كل جرح وليه نهاية
النهاردة نبكي دمعة
بكرة نفرح دي الحكاية

في قلوب أوقات تخوننا
في قلوب غيرها غلابة
إحنا مش عايشين في جنة
بس بردو مش في غابة

حابب المكتوب وراضي
كل واحد خد نصيبه
وإللي راح من إيدي عادي
هيقابلني في يوم وأجيبه

سهل أحرك أي ساكِن
خطوتين وأسبق وأعدي
دنيا وإتحدتني لكن
أيوه أنا قبلت التحدي