كيميت

كلمات اغنية كيميت ارسينك

دى 2024
قلبة الموزاين
العودة من جديد
مش هحكي بس ف تاريخ
هكتبه بإيدي و هيزيد
و مش جاي اتكلم كتير
نخش على المفيد
ان كنت متعرفنيش
اقولك انا ابقى مين
انا قصتي من بدري
قبلي و من قبلي بكتير
ورث و بيجري ف دمي
يعود الي أساطير
مشكلته انه مستخبي
عنده جناح و مش بيطير

انا أجدادي كُبرات
من أرض العظماء
مهندسين ملوك أرض و وزراء
من بلد واحدة بس ما ليها شركا
و الباقي نحت نسخ و قصص و خرافات
انا صحوة الجيل
دي لحظة تغيير
عاوز أغطس و اجيب حقيقتي
و البحر كبير
و مسير كل الدنيا تفهم الصح عنى
انا لون الصحرا و النيل
و بلادى رحبة و تسيع
كل العالم هيشهد ب اللى جاى
و الله معانا و صوت الحق لسة حي

انا ال م.ل.ك من قبل التيجان دي
قبل التاريخ ما يتزال و تحرف الأعداء فيه
واخد چينات خام من عظمة ف دمي
للي حطو علم الدنيا اللي الكوكب ده قام بيه
سبع تلاف مين
قريت ده ف كتاب مين
لا انا اكبر من كدة
خد وقت إستوعب مقامى
و اللي خلف مماتش
مسك ف اصله مسابش
هفضل اتكلم بالحق
و حتى لو مريحكش

وقت كتير قصادي
عندي كتير ف راسي
مفكرين فراغي طاغي
و تفكيري فاضي
انا بعرض قواضي من غير اسامي المرة دي
بعد كدة افكاري هتنور كل اللي طافي
اوقات بحزن و انا بدور ف اراضي
لما اشوف أثاري برا حدود أوطاني
دي سلسلة بلا نهاية بدون عمر افتراضي
انا شاب انسان سكناه ارواح الماضي
كل العالم هيشهد ب اللي جاي
و الله معانا و صوت الحق لسة حي