كلمات أغنية لحظة لقاك

كلمات اغنية لحظة لقاك عبدالله ال فروان

كلمة احبك ، ماتليق بمستواك
ولا تليق اشتقت ، ودور عليك

انا وصلت لمرحلة (اعشق هواك)
والظاهر انها مرحلة (اموت فيك)

الله بلاني بالمحبه وابتلاك
باللي بقلبه والمشاعر مشتريك

اضيع بين الناس في هذا وذاك
وياجعلني لاضعت ماضيع يديك

ياجعل ربي مايبدل في غلاك
ولو اتبدل ، باتبدل منك فيك

مافيه احد ماينتظر لحظة لقاك
حتى القمر والغيم مثلي يحتريك

اشوف نور الشمس من ثغرات فاك
مثل ماشوف ان مالك بقلبي شريك

امن الحلا عز الله ان ربي عطاك
في نظرتك في ضحكتك في وجنتيك

لو تزعل من الارض ، بدور رضاك
تمطر سمها لو تعقد حاجبيك

حتى الورود الذابله تحيا بماك
من رقتك ماتحتويها تحتويك

الله يحفظك من عيون اللي يراك
محصنك منهم وبسم الله عليك