مثل البحر

كلمات اغنية مثل البحر بدر الشعيبي

أنا مثل البحر هادي وأنا مثل البحر لا هاج
وأنا ب أدنى جزر طبعي أردّ بمدّي العالي

وأنا مثل المزن عالي وإلى منّه نِزل ثجّاج
إذا ما هلّت امطاري تفيّا النّاس بظلالي

كريم بكل حالاتي بخير أضحك وأفلّ حجاج
أمدّ الطيب من قلبي وبالمردود ما ابالي

أحبّ الناس لكنّي ل غير الله ما أحتاج
عيوني للسّما وارسم علي الآفاق آمالي

علاقاتي وفِق مبدأ واحاسيسي على منهاج
محال اذلّ من عزني واعزّ اللي يبي إذلالي

من يقدّر شعوري له على راسي أحطّه تاج
ومن لا قدّر شْعوري حرام يمرّ في بالي

نعم صدري وسيع وما بنيت مْن الغرور سياج
وخالق من يبي فراقي خلق لي من يبي وصالي

أنا الفنان والقصة وأنا المشهد وأنا الإخراج
وكلامي مابي آقوله إذا ما شابه أفعالي