مريم

كلمات اغنية مريم عبدالمجيد عبدالله

كل عام وإنتي العيد يامبسم العيد
يا أخت القمر من يشبهك في غلاتك

مريم خذيتي الزين من باقي الغيد
مهما كبرتي تزيد دايم حلاتك

عليكي شي من الحسن دايم يزيد
باين على خدودك وتحرس شفاتك

غمازتينك من حلاهم شواهيد
سبحان من كمل وجمّل صفاتك

سماح تفخر فيك يا بنت الأجاويد
والله لو تطلبيها الروح بتقول جاتك

بينك وبين القلب وصل ومواعيد
وأحلى الأغاني كنها أغنياتك

برفع يدي وأدعي من القلب وأعيد
ربي عسى يحقق جميع أمنياتك

كل عام وإنتي بخير يامبسم العيد
ويالله عسى الفرحة تدوم بحياتك