مستني إيه

كلمات اغنية مستني إيه تامر حسني

بيعدي يوم إثنين مش فارق عدی کام
تعباني الوحدة واجعني قلة الكلام

حصلك إيه ماجتش ليه
طب حتى أشوفك لما أنام

مش حاسس إن في حاجة بعدك فيها روح
مابقاش في للحياة شغف ولا في طموح
أنا بكره فين وبعده فين
عايش فترة عدم وضوح

ساييني قولي ليه لنفسي وللي فات
مستني إيه لما يقولولك إنه مات
أروح لمين وأهرب لفين
كل الأماكن ذكريات

مابقاش في بيني وبين الدنيا إتفاق
أنا كل حاجة فيا إتكسرت في الفراق

إحساسي راح والعمر راح
فكرة بعادنا كانت غباء

إحساس الخوف سيطر عليا بس ليه
مش عارف أروح لمين وفين ولا أعمل إيه

إحساس غريب ليه يا نصيب
بعدت بيني وبينه ليه

ساييني قولي ليه لنفسي وللي فات
مستني إيه لما يقولولك إنه مات
أروح لمين وأهرب لفين
كل الأماكن ذكريات