مكاني الصح

كلمات اغنية مكاني الصح تامر عاشور

ياللي وجودك فرحة بتنورلي حياتي
انت مريح قلبي وبتسعد أوقاتي
قربك سر الفرحة اللي انا واصل ليها
أما عينيك الحلوة دي حكاية لوحديها

لما أزعل من الدنيا انت قوام بتجيني
صوتك بيطمني حضنك بيهديني
واما أفرح من قلبي بتفرحني زيادة
دانا قبلك في حياتي عمري ماشوفت سعادة

يانصيبي اللي انا بحمد ربنا على إني قابلته
يا مكاني الصح ونصي الحلو اللي أنا كملته
ياحبيبي بمعنى الكلمة والحلم اللي انا أجلته

قلبي زمان استنى انك تبقى معايا
اول مرة الدنيا تدي لحد هدايا
تطلب ايه اتمني والأحلام احكيها
قولي الحاجة في ثانية قدامك تلاقيها

يانصيبي اللي انا بحمد ربنا على إني قابلته
يا مكاني الصح ونصي الحلو اللي أنا كملته
ياحبيبي بمعنى الكلمة والحلم اللي انا أجلته