ملامحنا

كلمات اغنية ملامحنا محمد منير

كل أما نصور ملامحنا ملامحنا
مش دايما بنكون هو إحنا
أوقات بنبان نشبه روحنا نشبه روحنا
وأوقات نتغير

أوقات في الصورة نبان أهدى نبان أهدى
وأوقات في اللمة تبان وحدة
وأوقات ملامحنا تبان باهتة تبان باهتة
وساعات بتنور

بس إللي يحير هو إحنا
ليه تملي عيونا بتفضحنا
والوقت إللي صحيح بيفرحنا
ليه عمره قصير

كل أما الدنيا بتجرحنا
كل أما نغير مطارحنا
تتبدل تفاصيل ملامحنا
مابقتش صورنا تفرحنا ليه زي الأول

كل أما نطبطب على روحنا على روحنا
بنحن لذكرى بتدبحنا
كل أما نلملم في جروحنا في جروحنا
قلوبنا بتتعور

فيه ناس من نظرة بتلمحنا بتلمحنا
أول أما وجودها يريحنا
فجأة بتمشي وتاخد روحنا تاخد روحنا
فوق ما بنتصور

بس إللي يحير هو إحنا
ليه تملي عيونا بتفضحنا
والوقت إللي صحيح بيفرحنا
ليه عمره قصير

كل أما الدنيا بتجرحنا
كل أما نغير مطارحنا
تتبدل تفاصيل ملامحنا
مابقتش صورنا تفرحنا ليه زي الأول