مواويل

كلمات اغنية مواويل مسار اجباري

الحكاية مش في كلمة
مش في نظرة
مش في ضحكة
الحكاية إن إنتي خلطة
حلوة من كل الحاجات
فيكي حاجة مش عادية
بس فيكي ألف معنى
الحقيقة إن إنتي حلوة
في عيني وفي كل الحالات

‏‎مواويل مواويل
‏‎كل كلامها مكتوب ليكي
‏‎و نجوم الليل
يبانوا ضلمة جنب عينيكي

فاكرة أول مرة شوفتك
حاجة غريبة يومها حصلت
كان فيه زحمة بس قلبي
ماشافش غيرك في المكان
كلمة مني وكلمة منك
قلت يمكن دي البداية
شفت ضحكة طالعة منك
بس غَيَّرِت الحكاية

‏‎ مواويل مواويل
‏‎كل كلامها مكتوب ليكي
‏‎و نجوم الليل
يبانوا ضلمة جنب عينيكي