ميشغلوناش

كلمات اغنية ميشغلوناش امينة

ميشغلوناش
كلامهم فاضي مهو عادي الكلام ببلاش
دي ناس اوباش
ونارهم قايدة من ناحيتنا مبتهداش

كفاية صفار
مفيش غيرنا إحنا بتراقبونا ليل ونهار
عنيكو ردار
ومش حالين وقاعدين تنقلو الأخبار

إحنا العين علينا
من ناس حوالينا
بقو بيبصو لينا
حتى في لبسنا

إسلكو حبة عيب
سيبتو إيه للغريب
كلو صبح يخيب
مين سالكلنا

في ناس كدا بدون ذكر أسامي
هتتكرف وهتاخد العالي
من النهاردة محدش غالي لحالي أحلالي
وزي الفل

نفختهم بس أنا بهوايا
هفوقلهم والإبرة معايا
على الهادي وايامهم جاية
هتبقى نهاية سواد ع الكل

كلها فترات
لا صحاب بتدوم ولا حبايب دول إشتغالات
بتوع حوارات
متتعشمش وسيب دايما بينهم مسافات

أنا مبنساش
وسيباكم عشان دوركم دا لسه مجاش
ف متسوقوهاش
وتفتكرو اني هصفالكم دنا مبصفاش

ف الفترة الاخيرة
خابت ناس كتيرة
دول ملهمش سيرة
غير سيرة الفلوس

واللي الخيبة لحقاه
ربنا يتولاه
إحنا خلاص نسيناه
جود لاق يا موكوس