وإنت غايب

كلمات اغنية وإنت غايب كريم محسن

وإنت غايب
كل حاجة ف عيني مالهاش أي قيمة
بَعدك مافيش ولا حِتة فيا بقيت سليمة
ع الحنين قلبي وعينيا الله يعينهم

جوايا سايب
ذكريات الوقت صعب ينسيهالي
و ليالي زيها مش هعيش أبداً ليالي
في ناس ماتتعوضش وانت حبيبي منهم

وكل حاجة معاك واحشاني
مشاعري ف حالي مش سايباني
بحن ليك يا حبيبي
وبدعي ربنا نرجع تاني

هموت وأشوفك تاني قصادي
لو حتى كان بالصدفة انا راضي
واحشني أوي وبَعدك
بقيت بشوف العالم فاضي

إمتى تيجي
ده برجوعك ليا انا بترجع حياتي
من يوم ما غِيبت بقيت انا ف أسوأ حالاتي
دَبلان وشكلي إستغربِت منه في المِرايا

يا حبيبي
حِس بالنار اللي فيا وحِس بيا
دا انت بُعدك عني بيخَلَّص عليا
نِفسي يبقى كابوس ده
وأصحى ألاقيك معايا