يا بحر

كلمات اغنية يا بحر ديانا كرزون

و يا بحر بفضفضلك
وتملي بتسمعني
بتطبطب على قلبي
وتداوي اللي واجعني
كل الناس بتسيبني
وانت مابتسيبنيش
صاحبي وأخويا حبيبي
وحُضن كبير بيساعني

صوتك بيهَدّيني
موجك بيقَوّيني
في ما بينك ومابيني
أسرار مالهاش عَد
مازهقتش يوم مني
فاهمني مطمني
ده اللي انت تعرفه عني
مايعرفهوش ولا حد

طول الوقت بروحلك
وانت بتستناني
صيف شتا ليل ونهار
بيتي انت ومكاني
لما أفرح بجريلك
ومعاك فرحتي بتزيد
وإن مرة حزنت بجيلك
فا بتتبخَر أحزاني

صوتك بيهَدّيني
موجك بيقَوّيني
في ما بينك ومابيني
أسرار مالهاش عَد
مازهقتش يوم مني
فاهمني مطمني
ده اللي انت تعرفه عني
مايعرفهوش ولا حد