يا زين صبح العيد

كلمات اغنية يا زين صبح العيد غريب آل مخلص

يا زين صبح العيد والقلب مفتون
باللي فرقه الله عن الخلق سبحان
زين القوام اللي مع الخصر موزون
يحيي وينعش ناظر العين لا بان

ريم الفلا يمشي وبالهون بالهون
رقّه وخفّه يذهلك كيف ما كان
وان ميّل بخصره جذب كل لعيون
فتّان يا ريم الفلا دوم فتّان

كنّ الحلا برقاً لمع داخل النون
يا ما حلا برقاً على عين ولهان
عين الظبي فيها من الزين مليون
ورموش وأهداباً على عيون غزلان

من ثغرها صب العسل صافي اللون
هذا علاج اللي وصل حد الادمان
واذا ابتسم خوفه عسى لا تموتون
موت الملوّح قيس ليلى بالأحزان

يا وجه صبحاً في دجى الليل والكون
نوره عكس ضو القمر كل ما بان
سود الجدايل تنعش شلون من دون
نسمة هبايب او على صوت الألحان

الحب وقّع في حشا القلب مرهون
واليوم في عيد الفطر ودّه يبان
لا لا تصدّ وتترك القلب محزون
وانا الذي حبه لكم عمر وامان