فواتير العتاب

كلمات اغنية فواتير العتاب مروان موسى

تنسي ساعات وبتفتكر ساعات
بس بتيجي ليالي وتدقلك ع الباب

وتوصلك حساب
فواتير العتاب

مش بتبص في الماضي
كنت تموت وتنساه

شفت الغالي بيتألم قدام عنيا
كنت أحكيله أحلامي

دايما كاتم الحزن في أعماق الصدر
عشان أفضل متوازن

كنت أحاول أخفف عنه وأسرق منه الضحكة لما يعاني
طب ليه لما أرجع أفتكر تفاصيل بحسني أناني

ما العمر مسروق
والبدن مسموم
والعقل متكتف
القلب مسجون

معلش الظروف
خلتني عجوز
في نص الطريق
أنا الشخص المتلوف

دنيا ضحكت عليا خلتني أشتري من وكالة إبليس
إشتريت منه كل حاجة في المحل بالسعر الرخيص

بس شاطر الشيطان واللي إكتشفته بعد ما مرت سنين
إنه خد مني كل حاجة كانت حلوة في حياتي بالتدريج

وأنا كنت شباب ماعرفش الصح م الغلط م الأكاذيب
كنت واخد الدنيا إستهتار وعلى الله التساهيل

فجأة إترمت آمالي في النار وخلص عليها المصير
الصحة صبحت عدم شوفت شريط حياتي بيتعاد بالبطيء

ما أنا مجرد إنسان
عنده شوية أحلام
وإختفائي م الكون
إستحالة هيبان

الدنيا إختبار
والصبر إمتحان
بعد الريح والإعصار
إللي إتكسر هيبان

الخواطر السم مع كل السواد دا هضمته وبلعته
دا أنا حتي قلبت الصفحة والكتاب عايز أعيش في إللي بعده

ما عدا المشهد إللي فضل يزورني لحد ما منعته
لما شوفته قدام عنيا بيتعذب وماعرفتش أساعده

عمري ما حسيت بقيمة إللي في إيديا فبندم في الأخر
يا ريتني فهمتها بأي شكل تاني غير انه يتاخد

الروح إللي كانت بتتألم في الدنيا في الآخرة إرتاحت
ندمان ع الوقت إللي ماقضيناهوش بعد ما الساعة ساحت