كلمات أغنية آيه عليهم

كلمات اغنية آيه عليهم عيضه المنهالي

آيه عليهم آيه
همْ روحي وْ الغناهْ

بو قصّةٍ مسْحايه
وِ الْخدْ يا مَـحْلاهْ

خـشْمه رفعْ لوقايه
وْ عينه فيها دعاهْ

وْ خصوره الْمَطْوايه
مَهْضومه في حَـشاهْ

وْ ردوفه إمْعَلّايه
وْ مِشْيَه درزْ القطاهْ

طالبْ مِنْه الْحِمايه
إبْعَطْفْ وْمراعَاهْ

وْ ياخِذْ منّي وصايه
في شَفّه ومْـعْـناهْ

لنّي بحُبّه تايه
قَفْرٍ بعيدٍ ماهْ

بَحْرهْ غزير الْمايه
غَرّقْني في هواهْ

الدانه الْمَنْقايه
للْغيصْ وْ مُبْتَغاهْ

وصْله وْ شوفهْ مُنايه
طِبّ الْعُوقْ وْ دَوَاهْ

هُوْ مَطْلَبي وْ هَوايه
وْ مِرادِي في الْحياهْ