مضمونة

كلمات اغنية مضمونة امال ماهر

طول ما إنت عارف إني باقيلك
وقت أما تنده ليا جايلك

طول ما إنت حاسس إني مضمونة
هتبيع كتير وهتشتري فيا

أيوة في حياتك أبقى منسية
واحدة وخلاص ع الرف مركونة

طول ما إنت شايف
إني هرضى بأي حاجة وأعيش
هتقول خلاص هفضل كده
ما هي قاعدة مابتمشيش

ولا مرة على بالك خطر
إنك قريب من الخطر
لازم تخاف إنك في يوم
تناديني ماتلاقينيش

طول ما إنت ضامن إني موجودة
ساعة حيطان متعلقة في أوضة
وعينيك خلاص متعودة عليها

هتقول خلاص أنا صعب أخسرها
وبكلمتين تفضل تصبرها
وتقول خلاص أهي راضية خليها