كلمات اغنية "كايرو" حمزة نمرة - Hamza Namira

كلمات اغنية كايرو - حمزة نمرة

‎يا خسارة همشي معلش همشي
‎هايصة الحياة ومش عارف حد
‎بحاول أفرح قبل أما أروح
‎عمال أدور طول الوقت
‎على حد شبهي لو حد جنبي
‎كنت قلبت الدنيا بجد
‎ده العمر حتى يحلو حتة
‎لو روحت حتة وليك فيها حد

‎وأنا ليه أفرح لوحدي أنا ليه
‎ف مكان ماحدش شبهي أنا فيه
‎أنا عايز ناس معايا
‎تقاسمني الفرحة دي

‎كايرو
‎حد هنا من كايرو
‎مش فارقة فين من كايرو
‎من أي حتة ف كايرو

‎الحل عندي ما أبقاش لوحدي
‎ويا دنيا مرضي بأي حد
‎هاتي ناس حياتي دي زي حالاتي
‎تقف معايا وف ضهري تسد
‎هاتي الحبايب أقرب قرايب
‎وصحاب تهزر وقت الجد
‎هات حد غالي لو حزن جالي
‎نضحك على الأحزان مع بعض

‎وأنا ليه اضحك لوحدي أنا ليه
‎في مكان ماحدش شبهي أنا فيه
‎أنا عايز ناس معايا
‎تقاسمني الضحكة دي

كلمات اغنية كايرو