يا محروقين مننا

كلمات اغنية يا محروقين مننا محمود الليثي

يا محروقين مننا
إهدو شياطكو وصلنا
أطلبوا المطافي بسرعة
النار والعة وربنا

آه يا حفيظ يا حفيظ
بقى للدرجادي بنغيظ
عاملين راسكو براسي
إهدوا شوية يا تلاميذ

لما مقدرتوش علينا
قلتو ياما وعبتوا فينا
إنتو تنزلو تحت وإحنا
إحنا رب الكون حامينا

كله جي يحك فينا
كلهم عينهم علينا
إحنا ومفيش حد غيرنا
آه يا ويله اللي يعادينا

العبد لله يا بشر
فيرس نجاح وإنتشر
كل اللي فكر يوم يطلعلي
على ضهره وقع إتكسر

بطلنا نعمل قيمة
لعيال ملهمش قيمة
يصعب عليك كدا يفقرك كدا
يطلع إبن لئيمة

في حد نفسي أقوله

يوم إسود يوم مشوفتك
ملعون أبوها معرفتك
هو إنت ناسي لما جيتلي حافي
وأنا خدتك أنا نضفتك

كان وشه نحس عليا
البومة إبن الفقرية
من يوم ما دخلتك فحياتي
وأنا ماشي بالادوية

ياللي خنتو مع السلامة
نتقابل يوم القيامة
مش هسامح مهما يحصل
أصل كله إلا الكرامة

إنتو فعلا ناس أبطال
بس م النوع البطال
إحنا نمشي يمين ف حالنا
وإنتو ف السكة الشمال

نص الكوكب ده بتاعنا
والنص التاني تبعنا
نمشي يا ناس كدا نتدلع كدا
ومحدش يلوي دراعنا

يجي غيرنا مفيش زينا
ولا فيه أجمد مننا
النية سالكة ومعانا ماشية
علشان بتوع ربنا